का सियार मन ह सिंह उपर विजय पाए हे….. दिलचस्प ट्वीट करके कांग्रेस ल ललकारिस डॉ. रमन ह

रायपुर। छत्तीसगढ़ के पूर्व मुख्यमंत्री डॉ. रमन सिंह ह मंगलवार के एक दिलचस्प ट्वीट करके कांग्रेस ल ललकारिस हे। करीब 47 सेंकड के ए वीडियो के संग डॉ. रमन सिंह के ट्वीट आए हे। डॉ. रमन सिंह के ए ट्वीट फेसबुक म घलो पोस्ट करिन।  वीडियो म स्टील फोटो के श्रृंखला के संग गीतनूमा सब्द गूंजत हे।

डॉ. रमन सिंह ह लिखे हे के – “ बदला के  ए जांच ले भला सच ल आंच कहां आही। संख्या म अधिक हो जाए ले भला….का सियार मन ह सिंह उपर विजय पाए हे।  ग़रीब मन ल चावल देना तुम्हार नजर म अपराध हे।  मोर आदिवासी भाई मन  कासरई के बीजा खाना याद हे। भूखा मन ल  खाना देना अगर मोर अपराध म गिना जाए त लाख डिगा ले क़दम मोर….ए अपराध फेर ले करे जाही ।”

डॉ. रमन सिंह ह लिखे हे के 15 बरिस तक छत्तीसगढ़ महतारी के आसीरवाद ले हमन प्रदेस के गरीब परिवार मन व आदिवासी भाई-बहिन मन के सर्वांगीन विकास बर निरंतर कार्य करे गेहे। यदि भूख ले व्याकुल गरीब परिवार मन बर भोजन के बेवस्था करना @INCChhattisgarh के नज़र म अपराध हे त , ए काम ल मैं आघू घलो करूं हूं।