अंतागढ़ टेप कांड : मास्टरमाइंड फिरोज सिद्दीकी ले पूछताछ.. डीएसपी ह करिस तलब

रायपुर। अंतागढ़ टेप कांड मामला के मास्टरमाइंड फिरोज सिद्दीकी ल रायपुर के एसपी ऑफिस तलब करे हे। ए कार्रवाई मवजूदा भूपेश सरकार के एसआईटी के गठन करे जाए के बाद होइस हे।

आज फिरोज सिद्दीकी ल डीएसपी माहेश्वरी के ऑफिस म तलब होए के आदेस  मिले हे।  मिले जानकारी म फिरोज सिद्दीकी ह घलो ए बात ल स्वीकार करिस हे।  डीएसपी माहेश्वरी ह 29 जनवरी के रात 10 बजे फोन कर फिरोज ल आज एसपी ऑफिस म तलब करिस हे।  अब देखे  वाले बात ए हे के, ए कांड म काखर-काखर नाम उजागर होवत हे। अउ काखर कउन से  कलई खुलना बाकी हे।

आघू आय रहिस हे  कथित ऑडियो टेप

बता देन के अजीत जोगी के बेटा अउ तत्कालीन मरवाही विधायक अमित जोगी अउ तत्कालीन मुख्यमंत्री रमन सिंह के दामाद पुनीत गुप्ता के बीच बातचीत के कथित ऑडियो टेप रहिस हे। टेप म रुपिया के लेन-देन के बात होय रहिस हे। ए लेन-देन कांग्रेस उम्मीदवार मंतूराम पवार के नाम वापिस ले बर रहिस हे।