8 फरवरी के पेश करही भूपेश बघेल ह अपन बही-खाता

रायपुर। छत्तीसगढ़ म 15 बरिस बाद सत्ता परिवर्तन होए हे।  कांग्रेस सरकार बने हे, अउ 8 फरवरी के भूपेश बघेल पहिली बेर बजट पेस करही। ए बजट ले प्रदेस म रहइया लोगन  मन ह अब्बड़ उम्मीद जगाय हे।  मुख्यमंत्री भूपेश बघेल ह वित्त मंत्रालय अपन पास रखे हे,  एखर सेती उमन ह बजट पेस करही।

कांग्रेस ह अपन घोसना-पत्र म करे गे वाद मन म अमल करत हे। किसान म ले करेगे वादा म बघेल सरकार अब तक खरा उतरे हे। कर्जमाफी अउ धान के समर्थन मूल्य बढ़ाए के दिसा म कदम बढ़ा चुके हे।  बजट ले लोगन मन ल अबब्ड़ उम्मीद हवय। राज्य के हर जिला के लोगन ल रोजगार, महंगाई, सिक्षा अउ खास तउर म स्वास्थ्य म जोर देय के बात सरकार ले कहे गेहे।