पत्रकार मन मिलिस आम जनता के समर्थन….. चउपाटी बंद

रायपुर। पूरा  परदसे म पत्रकार मन के आंदोलन  विराट रूप ले चुके हे।  अलग-अलग जिला म प्रदरसन करे जात हे। जेला आम जनता मन ह समर्थन देवत हे। । रायपुर के मोतीबाग चउपाटी के ठेला संचालक मन ह  अपन दुकान  बंद कर के पत्रकार मन के आंदोलन ल  समर्थन करिन।

अपन रोजी-रोटी ल छोड़ के आम आदमी घलो  पत्रकार मन के समर्थन म आ गेहे। ए बड़े संदेश जाथे के पत्रकार मन के संग दुर्व्यव्हार ले जनता ल पीड़ा पहुंचे हे। मंगलवार के  चउथा दिन घलो पत्रकार मन के धरना प्रदरसन जारी हे। मगर पत्रकार मन ले मारपीट करइया भाजपा के नेतामन ल  पार्टी कोती ले  अब तक कोनो कार्यवाही नइ करे गेहे। पत्रकार मन मांग करत हे के भाजपा गंभीरता दिखात हुए कदम उठावय अउ पुलिस घलो दोषी मन ल  खेलाफ सख्त कार्रवाई करय। मउका म  प्रेस क्लब अध्यक्ष दामू आंबेडारे, उपाध्यक्ष प्रफुल्ल ठाकुर, महासचिव प्रशांत दुबे, कोषाध्यक्ष शगुफ्ता शरीन, संयुक्त सचिव गौरव शर्मा अउ अंकिता शर्मा समेत बड़ संख्या म पत्रकर मन मउजूद रहिन हे।