अइसे रहही तो ‘कांग्रेस खोजो अभियान’ चलाए बर पड़ही… रमन के वार

कांकेर । एक बार फेर रमन ल कांग्रेस उपर वार करके मउवका मिल गे। कर्नाटक म भारतीय जनता पार्टी के मजबूत स्थिति अउ संभव जीत म मुख्यमंत्री रमन सिंह ह खुशी जताइस हे। सीएम रमन ह कहिन कि ये ऐतिहासिक जनादेश हे। उमन ह कर्नाटक के जनता ल धन्यवाद देवत हुए कहिन कि अइसा रहही तो ‘कांग्रेस खोजो अभियान’ चलाए बर पड़ जाही ।आपको बता दन कि सीएम रमन कर्नाटक म बीजेपी के स्टार प्रचारक रहिन हे। उमन पार्टी बर रोड शो अउ सभाएं करिन हे। येदियुरप्पा के नामांकन के दउरान घलो सीएम रमन उहां मवजूद रहिन हे। सीएम रमन ह ये जीत म प्रधानमंत्री नरेंद्र मोदी स घलो शुभकामनाएं दीस हे।
सोमवार देर शाम सीएम रमन के विकास यात्रा के रथ कांकेर पहुंचिस। ये दउरान उमन ह विशाल जन सभा ल संबोधित करिन अउ रोड शो करिस। मंगलवार सुबह सीएम सिंह ह मीडिया ले रूबरू होके सबले पहिली पीएम नरेंद्र मोदी ल कर्नाटक चुनाव म बीजेपी के बढ़त बर बधाई दिवक हुए कहिन कि भाजपा कर्नाटक के सबले बड़े पार्टी बन गेहे। कांग्रेस पीपीपी परिवार, पांडिचेरी अउ पंजाब तक सिमट के रह जाही। ये बखत हालात ये हव कि 80 प्रतिशत क्षेत्र ले कांग्रेस गायब हे, कहीं अइसे न हो जाए कांग्रेस खोजो यात्रा के जरूरत पड़य। बता दन सीएम सिंह कांकेर म बैइठ के कर्नाटक चुनाव के लाइव अपडेट देख रहिन हे।