राजनांदगांव। जिला म मनरेगा श्रमिक मन ल 109 करोड़ रूपिया भुगतान नइ होए ले ओमन ग्रामीन जनपद अऊ जिला पंचायत के चक्कर काटे बर मजबूर हे। मनरेगा श्रमिक मन ल भुगतान ल लेके राज्य सासन अऊ जिला प्रसासन भुगतान ल लेके कोनो तरह के गंभीरता नजर नइ आत हे। जेकर चलत 2017-18 के भुगतान बर श्रमिक जनपद पंचायत अऊ जिला पंचायत के चक्कर काटत हे। उहें जिला मनरेगा कार्यक्रम अधिकारी के कहिना हे कि मनरेगा के भुगतान म अब तक 109 करोड़ रुपिया के भुगतान रासि बाकी हे। श्रमिक मन बर दे गए बैंक एकाउंट नंबर गलत होए के चलत कतको हितग्राही मन के एकांउंट म पइसा नइ पहुंच पाए हे। फेर अब ये श्रमिक मन के आधार लिंक कराके फेर ले भुगतान रासि एकाउंट म भेजे जाही।