बघेल ह दिस बड़का आस्वासन, अनियमित कर्मचारी मन के नियमितीकरन

रायपुर : जिला म छत्तीसगढ़ अनियमित कर्मचारी महासंघ ह मुख्यमंत्री भूपेश बघेल के सम्मान समारोह कार्यक्रम रखे रहिस हे।  कार्यक्रम के दउरान मउजूद हजारों कर्मचारी मन ह  मोबाइल के लाइट जलाके  भूपेश बघेल के स्वागत करिन।

सम्मान समारोह कार्यक्रम म शामिल होए बर पहुंचे भूपेश बघेल ह कर्मचारा मन ल आघू बरिस तक नियमितीकरन देए जाए के आस्वासन देय हे। अपन उद्बोधन म मुख्यमंत्री भूपेश बघेल ह कहिन,  ए बरिस सरकार ह किसान मन के करजा ल माफ करे हे। आघू  बरिस म ए किसान मन के करजा माफ नइ होवय। अउ जे पइसा बचही वो ह अनियमित कर्मचारी मन ल देय जाही या यूं कहन के वो पइसा अनियमित कर्मचारी मन के नियमितीकरन म खर्च करे जाही।

अ दउरान भूपेश बघेल ह कर्मचारी मन के आयोग गठन के मांग ल मान लिस हे, अउ उमन कहिन, एखर घोसना सदन के बाहर नइ कर सकत हन, काबर के अभु विधानसभा सत्र चलत हवय।  लेकिन ए प्रस्ताव ल विधानसभा म जरूर रखे जाही।