रायपुरः सोमवार के विधानसभा म अवैध रेत खनन के मुद्दा को जेसीसीजे ह जोर-सोर ले उठाइस. भूपेश सरकार ले कतको सवाल पूछिस. एमा मुख्यमंत्री बघेल ह रेत माफिय मन उपर CCTV ले नजर रखे के बात कहिस.
सोमवार के जेसीसीजे के विधायक धर्मजीत सिंह ह अवैध उत्खनन के मामला ल लेके विधानसभा मसवाल उपर सवाल करिन. उमन कहिन, प्रदेस म रेत के अवैध खनन लगातार जारी हवय. रेत माफिया काफी ताकतवर हवय, जेखर ले सख्ती ले निपटने के जरूरत हे. रेत माफिया अपन मनपसंद घाट मन म कब्जा जमाए के तइयारी करत हवय, जेखर ले प्रदेस भर म गैंगवार के स्थिति बनच हे.
एमा मुख्यमंत्री भूपेश बघेल ह कहिन, रेत माफिया मन उपर सरकार सीएमडीसी के माध्यम ले पूरी तरह ले निगरानी करत हवय. अतना ही नइ सरकार रेत खदान मन म माफिया मन उपर सीसीटीवी कैमरा ले निगरानी करही. सरकार के जवाबदारी हे के रेत के कीमत न बढ़य अउ इहां के प्राकृतिक संसाधन मन के दोहन सही तरीका ले होवय.
Other Articles
तो मैं ह जांच म आघू ले सहयोग नइ कर पाहूं: फिरोज सिद्दीकी
ए वजह ले नइ मिल पाइस छग के किसान मन ल सम्मान निधी
