कांग्रेस के अहम बइठक म शामिल हो ही भूपेश बघेल

रायपुर. छत्तीसगढ़ के मुख्यमंत्री भूपेश बघेल ह राष्ट्रीय राजनीति म दिन प्रतिदिनकद बढ़त जात हे. बिहार के पटना म राहुल गांधी के संग मंच साझा करे के बाद अब भूपेश बघेल कांग्रेस के राष्ट्रीय स्तर के अहम बइठक म सामिल होवइया
हे. ए बइठक म लोकसभा चुनाव के तैयारी मन ल लेके चर्चा होए के उम्मीद हे.
आम चुनाव के पहिली कांग्रेस के ए बइठक ल काफी अहम माने जात हे.

बता दन के 28 फरवरी के गुजरात के अहमदाबाद म लोकसभा चुनाव ल लेके
कांग्रेस के अहम बइठक होवइया हे. जेमा छत्तीसगढ़ के सीएम भूपेश बघेल घलो
सामिल हो ही अउ ना केवल बउठक म सामिल हो ही. बल्कि पार्टी अध्यक्ष राहुल
गांधी समेत आला नेता मन ले घलो मुलाकात करही. गउरतलब हे के अहमदाबाद म
होवइया बइठक म सामिल हो बर सीएम बघेल बुधवाक के संझा 6 बजे रवाना होवइया रहिस हे. लेकिन कार्यक्रम ल रद्द कर जे गिस.

बता दन के विधानसभा चुनाव 2018 म कांग्रेस ह छत्तीसगढ़ म भारी बहुमत ले
जीत हासिल करिस हे. 90 म ले 68 सीट कांग्रेस के खाते म आइस. जीत के श्रेय
प्रदेश कांग्रेस कमेटी के अध्यक्ष भूपेश बघेल ल जादा मिलिस अउ उमन ल
मुख्यमंत्री बनाए गिस. एखर बाद ले राष्ट्रीय राजनीति म उंखर कद लगातार
बढ़त जात हे.