आशीष कर्मा ल डिप्टी कलेक्टर बनाए म बोलिस ओपी चौधरी

महेंद्र ल घलो नागवार होही ए नियुक्ति
रायपुरः कांग्रेस नेता स्वर्गीय महेंद्र कर्मा के पुत्र आशीष कर्मा ल कांग्रेस सरकार ह डिप्टी कलेक्टर के पद म नियुक्त करिस हे. एला लेके भाजपा सरकार उपर लगातार सवाल उठावत हे. सरकार के ए फइसला म अब पूर्व IAS अउ बीजेपी नेता ओपी चौधरी ह आपत्ति जताइस हे.

आशीष कर्मा ल ए नउकरी झीरम हमला म मारेगे कांग्रेस नेता महेंद्र कर्मा के अनुकंपा के रूप म दे गे हे. भाजपा के आरोप हे के ए नियुक्ति म सरकार के ओर ले जारी करेगे कोनो भी पइमाना के धियान नइ रखे गिस. कांग्रेस सरकार ह एक गलत परंपरा के सुरुआत करिन हे.

कांग्रेस नेता के पुत्र होए के कारन मिलिस नउकरी
भाजपा के कहिना हे के कांग्रेस नेता के पुत्र होए के कारन आशीष ल डिप्टी कलेक्टर के नउकरी देय गिस. लेकिन पूरा प्रदेश म जतना परिवार नक्सल मूवमेंट अउ झीरम हमला म सहीद होए हे, का वो सबो परिवार मन ल कांग्रेस सरकार नउकरी दिही.

सरकार कर रही तुष्टीकरन
एला लेके ओपी चौधरी ह सोशल मीडिया म पोस्ट करके आपत्ति जताइस हे. उमन लिखन हे के कांग्रेस लोकसभा चुनाव म कर्मा परिवार ल टिकट नइ देना चाहत हे. उंखर दावेदारी ल रोके बर परिवार के सदस्य ल डिप्टी कलेक्टर के पद म नियुक्त कर तुष्टीकरन के कदम उठाइस हे.

ओपी चौधरी ने इस फैसले को पीएससी की तैयारी कर रहे युवाओं के साथ अन्याय बताया है. उन्होंने कहा कि अगर महेंद्र कर्मा जीवित होते तो अपने बेटे को काबिलियत के आधार पर ही डिप्टी कलेक्टर बनाना चाहते ना कि राजनीतिक तुष्टीकरण से.