लोकसभा बर बीजेपी के बइठक, चुनाव ल ले के बनिस रननीति

विक्रम उसेंडी कहिन , ‘भाजपा छत्तीसगढ़ म सबो 11 सीट मन ल जीत ही’

रायपुर। एकात्म परिसर स्थित बीजेपी कार्यालय म लोकसभा चुनाव ल ले के
भारतीय जनता पार्टी के बइठक होइस.. एमा पूर्व मुख्यमंत्री डॉ. रमन सिंह,
राजेश मूणत, महेश गागड़ा, पुन्नूलाल मोहले, प्रदेश भाजपा अध्यक्ष विक्रम
उसेंडी, नेता प्रतिपक्ष धरमलाल कौशिक, शिवरतन शर्मा समेत भाजपा के अन्य
वरिष्ठ नेता मन शामिल होइस.

भारतीय जनता पार्टी के राष्ट्रीय उपाध्यक्ष डॉ. रमन सिंह ह कहिन, लोकसभा चुनाव के तियारी मन ल ले के सोमवार के भाजपा कार्यालय एकात्म परिसर म बइठक आयोजित करे गिस, जेमा आगामी लोकसभा चुनाव ल ले के तियारी मन म चर्चा करे गिस..

डॉ. रमन सिंह ह कहिन, भारतीय जनता पार्टी लोकसभा चुनाव के तियारी मन ल
सुरू कर देय हे. अउ ए बर लोकसभा चुनाव म नवा चेहर मन के संग लोकसभा चुनाव
लड़ही. लोकसभा चुनाव बर 11 वरिष्ठ नेता मन के टीम बनाए गिस. अउ लोकसभा
चुनाव म वरिष्ठ नेता मन ह छत्तीसगढ़ के 90 विधानसभा सीट मन के दउरा करही.
साथ ही विधायक सांसद अउ वरिष्ठ नेता के टीम छत्तीसगढ़ के जनता ले मिल के
चर्चा करही.

अउ भारतीय जनता पार्टी के केंद्र म सरकार बनाए के अपील
करही… हर विधानसभा म दू-दू सभा करे जाही. अउ जनता ले नरेन्द्र मोदी ल
प्रधानमंत्री बनाए के अपील करही..प्रदेश के जनता के बीच म जाके केंद्र
सरकार के योजना मन ल के जानकारी घलो दे जाही…