पुलिस के सक्रियता ले धरे रहिगे कवायद बड़का मात्रा म विस्फोटक बरामद
जगदलपुर. लोकसभा चुनाव ल ले के बस्तर म चुनावी तइयारी सुरू हो गे हे.अइसे म निर्विध्न चुनाव संपन्न कराए बर जुटे पुलिस ह छापामार कार्रवाई करत हुए सोमवार के भारी मात्रा म विस्फोटक जब्त करिन. ये मामला म पुलिस ह चार आरोपी मन ल हिरासत म ले लिस हे.
लोकसभा चुनाव के मद्देनजर मुस्तैद पुलिस ल मुखबिर ले मिले सूचना म दू वाहन मन ल रोक के जांच करिन. वाहन ले डेटोनेटर, कोरडेक्स वायर समेत फ्यूज बरामद करे गिस. पुलिस ह मामला म चार आरोपी मन ल हिरासत म लिस, जेमा तीन आरोपी ओडिशा के नवरंगपुर त एक आरोपी जगदलपुर के रहइया बताय गे हे.
बताए गे हे के, ये विस्फोटक सामग्री चुनाव के दउरान गड़बड़ी फइलाए बर माओवादी मन तक पहुंचाए जाना रहिस हे. लेकिन एखर पहिली ही पुलिस ह पकड़ लिस.
चुनाव के मद्देनजर माओवादी मन के सक्रिय बढ़त जात हे, अइसे म कोनो भी गड़बड़ी ल रोकने बर जिला म पुलिस पूरी सतर्कता के संग चौकसी म जुटे हुए हे. सोमवार के बड़का मात्रा म विस्फोटक मिले के संग ही पुलिस ह नगर के चउक- चउराहा मन म अपन चौकसी अउ तेज कर दे हे. उहें ओडिसा ले अवइया वाहन मन के जांच करे के बाद ही छोड़े जात हे.
No Comment! Be the first one.