दुर्ग के पाटन क्षेत्र के ये गांव मन म तेल के संभावना.. होथ हे खुदाई

ओएनजीसी कंपनी ह तेल मिले के संभावना ल ले के खुदाई करत हवय

दुर्ग. जिला म तेल के भंडार हे के खबर सामने आवत हवय. राजधानी से लगे  पाटन क्षेत्र के गांव मन म  एक निजी कंपनी खुदाई करत हे. एला देख के ये गांव मन के ग्रामीन घलो चकरा गे हे.

दरअसल खुड़मुड़ी, झीठ अउ रूही गांव म ओएनजीसी कंपनी ह तेल मिले के संभावना ल ले के खुदाई करत हवय. ये खुदाई म ओएनजीसी के इंजीनियर मन ह जमीन म अइसे तत्व घलो मिलिस हे. जे भूगर्भ म तेल होए के सूचक मिले हे. फिलहाल 4 गांव मन म 50 ले जियादा गाड़ी मन के माध्यम ले 100 ले अधिक जगह मन म खुदाई करे जात हे. अपन गांव मन म खुदाई होत देख उत्सुक हो के ग्रामीम घलो अपन खेत मन म पहुंचे लगिस.

बता देवन के छतीसगढ़ राज्य पहिली ले खनिज संपदा ले धनी राज्य हे. सूबा म लोहा, कोयला, बॉक्साइट अउ टिन भरपूर मात्रा म हे. लेकिन अब राज्य के दुर्ग जिला के पाटन क्षेत्र म तेल मिले के संभावना घलो तेज हो गिस हे.

खुदमुड़ी, रूही, सावनी, झीठ जइसे गांव मन ल ऑयल एन्ड नेचुरल गैस कॉर्पोरेशन दिल्ली ह इहां के भूमि तेल के भंडार होए के संभावना जताइस हे. ओएनजीसी के अधिकारी मन ह कहिना हे के अपन सेटेलाइट ह छतीसगढ़ के इन क्षेत्र मन म भूगर्भ म कुछ तरह के हलचल महसूस करे गे रहिस हे. जेखर बाद इहां तेल, गैस के खोज सुरू करे गे हे.

गांव के खेत मन म होवत खुदाई ल देखके लोगो मन म घलो  खासा उत्साह हे. ग्रामीन मन के कहिना हे, अगर क्षेत्र म पेट्रोल या गैस के भंडार मिलत हे त क्षेत्र के विकास हो ही. उहें युवा मन ल रोजगार घलो मिलही. उहें ग्रामीन अपन भूमि ल लेके चिंतित  घलो नजर आवत हे.