कांकेर. कांग्रेस के लोकसभा प्रत्यासी बीरेश ठाकुर ह शनिवार के नामंकन दाखिल करिस. जेखर गाजा-बाजा के संग सहर म आतिसबाजी कर रोड शो घलो करे गिस. नामांकन दाखिल करे के बाद कांकेर के नवा बस स्टैण्ड म सभा के घलो आयोजन कर गिस, जिहां मुख्यमंत्री भूपेश बघेल घलो सामिल होइन.
जिहां भूपेश बघेल ह अपन लोकसभा प्रत्याशी के पक्ष म वोट अपील करिन. संगेच बघेल ह प्रदेस के सबो भाजपा सांसद मन ल टिकट कटे के मामला म कहिन के, ‘छत्तीसगढ़ के पूरा दस के दस चउकीदार मन ल बदल देय गिस. भाजपा ह अपन चउकीदार मन म विश्वास नइ रहिस हे. भाजपा म भारी गुटबाजी अउ अंसतोष हे.
छत्तीसगढ़ म कांग्रेस 11 के 11 सीट जीतइया हे. संग ही भाजपा ह करेगे वादा म मुख्यमंत्री बघेल ह कहिन के, 2014 म भाजपा ह विदेश ले काला धन लाए के जे वादा करिन हे. वो ल पूरा नइ करिस. बल्कि इंखर नेतृत्व म देस के धन बाहिर चले गिस. ये दउरान मुख्यमंत्री समेत संसदीय सलाहकार राजेश तिवारी, प्रभारी मंत्री अनिला भेडिया अउ पूर्व केन्द्रीय मंत्री अरविंद नेताम समेत आठों विधानसभा के कार्यकर्ता मन उपस्थित रहिन.
Other Articles
मयखाना म उमड़िस भीड़, 4 दिन म बिकिस 7 करोड़ के सराब
पुलिस के रेकी करत तीन नक्सली दंतेवाड़ा ले गेरफ्तार
