डीजीपी डीएम अवस्थी ह दिस नोटिस, मांगिस स्पष्टीकरन
रायपुर. निलंबित आईपीएस रजनेश सिंह एक बार फेर उहीं गलती दुहरा दीस जे पहिली घलो कर चुके हे. लिहाजा ए गलती म डीजीपी डीएम अवस्थी ह बेहद गइर जुम्मेदराना ठहरात हुए रजनेश सिंह ल नोटिस भेज 7 दिन म स्पष्टीकरन देय बर कहे हे.
रजनेश सिंह ह गलती ये करिस के उमन पुलिस मुख्यालय म ज्वाइनिंग देय के तुरंत बाद फेर ले लापता हो गिस. मतलब ये 26 मार्च के निलंबन के डेढ़ महीना बाद उमन पुलिस मुख्यालय पहुँचिन. पुलिस मुख्यालय म उमन अपन ज्वाइनिंग दीस. कुछु देर बाद उमन पुलिस मुख्यालय ले चले गिस. फेर न त 27 मार्च के वापिस आइस अउ न ही 28 मार्च के हेड क्वॉर्टर पहुंचिन. अइसने 9 फरवरी के जब उमन नारायणपुर एसपी रहत हुए निलंबित करे गिस, तब पुलिस मुख्यालय म हाजिर होय के आदेस देय गे रिहिस हे. लेकिन उमन डेढ़ महीना तक लापता रिहिन.
दूसर बे रजनेश सिंह के ये तरह लापता होए म डीजीपी डीएम अवस्थी सख्त हो गिस हे. उमन एला पुलिस सेवा आचरन नियम के खेलाफ बताय जात हे. उमन एला अनुसासनहीनता मानत हुए रजनेश सिंह ल नोटिस भेज के 7 दिन के भीतर स्पष्टीकरन देय बर कहे हे.
Other Articles
