रायपुर. केन्द्रीय गृह मंत्री राजनाथ सिंह गुरूवार छत्तीसगढ़ के दो लोकसभा सीट मन महासमुंद अउ दुर्ग म पार्टी प्रत्यासी के पक्ष म प्रचार बर पहुंचिन. राजनाथ सिंह ह नक्सली मन ह बस्तर म मतदान ल प्रभावित करे के बावजूद मतदान होय म उमन येखर तारीफ करत हुए ये सुखदपूर्ण स्थिति बताइस हे. नक्सलवाद के मुद्दा म राजनाथ सिंह ह कहिन के, छत्तीसगढ़ ल जे भी सहयोग होही केंद्र सरकार उंखर के संग खड़े हे.
उमन कहिन के, 2014 के बाद सरकार ह हर मोर्चे म काम करिस हे. आवइया कुछु महीना म ही देस विकास के ऊंचा पॉयदान म हो ही. आवइया दिन म भारत टॉप 3 देस म सामिल हो ही. 2022 म हिंदुस्तान झुग्गी मुक्त देस होही.
गरीबी म राजनाथ सिंह ह कहिन, के नेहरू ले लेके राहुल गांधी तक सिरिफ बात करिन. गरीबी ल खत्म नई कर पाइस. जब तक देश कांग्रेस रहही तब तक भारत गरीब मुक्त देश नई बन पाही, देस ल गरीबी ले मुक्त करे बर कांग्रेस मुक्त भारत बनाना पड़ही. उमन कहिन के, भाजपा के सरकार आ ही त देशद्रोह कानून ल अउ मजबूत बनाही. कांग्रेस हिन्दू-मुस्लिम ल लड़वा के सत्ता म आना चाहत हे. राजनीति सरकार बनाए बर नई करे जाना चाही. राजनीति देस अउ समाज बनाए बर करना चाही.
Other Articles
