पति के मउत अउ नक्सली मन के धमकी ले नई डिगिस हऊसला

वोट डारे बर पहुंचिस भीमा मंडावी के पत्नी
रायपुर. लोकसभा चुनाव 2019 के पहिली चरम म छत्तीसगढ़ के बस्तर संसदीय क्षेत्र म वोटिंग प्रक्रिया गुरुवार के जारी रिहिस हे. वोटिंग के दू दिन पहिली 9 अप्रैल ल बस्तर के संसदीय क्षेत्र दंतेवाड़ा के श्यामगिरी म नक्सली मन ह विधायक भीमा मंडावी के काफिला म हमला कर दिस. एमा विधायक भीमा मंडावी, उंखर डाइवर अउ तीन पुलिस कर्मी मन के मउत हो गिस. मउत के दूसर दिन बुधवार के विधायक भीमा मंडावी के अंतिम संस्कार करे गिस, जेखर बाद गुरूवार के उंखर अस्थी मन ले परिवार ह उठाइस अउ विसर्जित करिस.

भीमा मंडावी के अस्थी मन ल विसर्जित करे के बाद परिवार के लोग अपन गांव के पोलिंग बूथ गदापाल म वोट डाले बर पहुंचिस. भीमा मंडावी के पिता लिंगा मंडावी, भीमा मंडावी के पत्नी अउ अन्य सदस्य मतदान करे बर पहुंचिन. पति के मऊत अउ नक्सली मन के धमकी ह घलोक लोकतंत्र ल मजबूत करे के हऊसाल नई डिगिस. भीमा मंडावी के परिवार ही नई बल्कि पूरा गदापाल म लोग बड़का संख्या म वोट करे बर पहुंचिन. गदापाल म 40 प्रतिशत ले जादा मतदान होइस हे. समय सीमा समाप्त होय के बाद घलो मतदान केन्द्र म लोगन के लाइन लगय रिहिस हे.