नीदरलैंड्स के 89 वर्षीय डॉक्टर निकलिस 49 लइका के बाप !

एम्सटर्डम. का कोनो मनखे ह एक संग 49 लइका के पिता हो सकत हे? ये स्थिति म जब संयुक्त परिवार के तरह उंखर एक ले अधिक पत्नी घलोक भी नईए.

लेकिन नीदरलैंड्स के रॉटरडम म अइसन अनोखा मामला देखे बर मिलिस हे. उहां आईवीएफ क्लीनिक चलाइया एक डॉक्टर 49 लइका के पिता पाय गिस . जबकि डॉक्टर ह कहिना रिहिस के, उमन 60 लइका के पिता हवय..

जांच म येखर पुष्टि घलो हो गिस हे. दरअसल बताय जात हे के, डॉक्टर ह अपन क्लीनिक म आय महिला मन ल संतान सुख दे बर डोनर के जगा अपन ही स्पर्म के इस्तेमाल करिस हे. ये बात डीएनए जांच म निकल के सामने आईस हे. डॉक्टर के नाम जन कारबात बताय जात हे. कार्रवाई के सामना करे बर ये डॉक्टर अभी जीवित नईए. 2017 म ही उंखर के मऊत हो चुके हे अउ उंखर क्लीनिक घलो अब बंद हो चुके हे.

उहां के स्थानीय अदालत ह 2009 म क्लीनिक म अनियमितता के आरोप लगाए के बाद मामला के जांच के आदेश देए रिहिस. डिफेंस फॉर चिल्ड्रन नामक संस्था ह बताइस हे के जांच म 49 लइका के डीएनए डॉक्टर के डीएनए से मिलिस हे. 89 वर्षीय डॉक्टर ह मऊत ले पहिली ये घलो स्वीकार करे रिहिन के, वो अब तक 60 लइका के पिता बन चुके हे.