Home ताजा समाचार दुर्ग लोकसभा म भाजपा अउ कांग्रेस के बीच साख के लड़ाई

दुर्ग लोकसभा म भाजपा अउ कांग्रेस के बीच साख के लड़ाई

118
0
Battle of credit between BJP and Congress in Durg Lok Sabha

नेता मन के वजन के वजह ले महत्वपूर्ण अउ जाति समीकरन वाले दुर्ग म भाजपा-कांग्रेस म मुकाबला
रायपुर. प्रदेस के 11 संसदीय क्षेत्र मन म ले दिग्गज नेता मन के वजन के वजह ले महत्वपूर्ण दुर्ग लोकसभा क्षेत्र म कांग्रेस अउ भाजपा के अइसे दू नेता मन के बीच मुकाबला होवत हे, जेमन ल उंखर पार्टी ह विधानसभा म नजरअंदाज कर दिस, लेकिन लोकसभा चुनाव बर उपयुक्त मानिस हे. हमन बात करत हन, भाजपा के प्रत्याशी विजय बघेल अउ कांग्रेस प्रत्याशी प्रतिमा चंद्राकर के.

लोकसभा चुनाव म पहिली बार दांव अजमाईया दूनों उम्मीदवार विजय बघेल अउ प्रतिमा चंद्राकर क्षेत्र के सशक्त कुर्मी समाज के प्रतिनिधित्व करत हे. विजय बघेल ह रिश्ता म भतीजा लगईया भूपेश बघेल के संग 1993 म राजनीतिक पारी के शुरुआत करिस. पहिली पहल विजय बघेल कांग्रेस म रहिस, अउ भूपेश ले स्थापित करे मा उंखर बड़का हाथ हे.

लेकिन पार्टी म उपेक्षित महसूस होय म उमन दिशा बदलत हुए पहिली एनसीपी फेर बाद म भाजपा सामिल हो गस. कुर्मी समाज म उंखर पईठ के अंदाजा ये बात ले लगाये जा सकत हे, के उमन ह 2008 विधानसभा चुनाव म भूपेश बघेल ल पटखनी देय रिहिस हे. येखर पहिली 2003 के चुनाव म एनसीपी के चुनाव लड़ईस अउ भूपेश ले 2200 वोट ले हार गिस हे. ये चुनाई म भूपेश ह हमनाम विजय बघेल ल निर्दलीय उतारिस. जेला 5000 वोट मिले रिहिस हे…

उहें दूसर ओर कांग्रेस ह पूर्व दिग्गज नेता स्व. वासुदेव चंद्राकर के बेटी प्रतिमा चंद्राकर उपर भरोसा जताय हे. कांग्रेस ह प्रतिमा चंद्राकर ल विधानसभा चुनाव म दुर्ग ग्रामीन ले प्रत्यासी बनाय गे रिहिस हे, लेकिन समीकरन कुछु अइसे बदलिस के, उंखर टिकट ल काटके पार्टी ह ताम्रध्वज साहू ल टिकट थमा दिस. माने जात हे के. लोकसभा चुनाई म प्रतिमा ल टिकट देके एक तरह ले पश्चाताप करेय हवय.

दुर्ग-भिलाई म विजय बघेल के दबदबा
रहिस बात प्रभाव क्षेत्र के त विजय बघेल बाजी मारत नजर आवत हे, काबर के कुर्मी समाज म उमन के गहरा पकड़ हे. येखर संग पाटन के अलावा अहिवारा अउ दुर्ग ग्रामीण विधानसभा क्षेत्र म उंखर अच्छा-खासा पकड़ हवय. बतात चलन के विजय बघले ह एनसीपी म रहत हुए बरिस 2000 म चरोदा नगर पालिका के अध्यक्ष तक निर्वाचित हो चुके हे. लिहाजा सघन आबादी वाले दुर्ग-भिलाई से लेकर कुम्हारी तक क पट्टी म विजय बघेल के दबदबा साफ नजर आवत हे.

दूसर नेतामन उपर निर्भर प्रतिमा चंद्राकर
उहें कांग्रेस प्रत्याशी प्रतिमा चंद्राकर अपन स्वर्गीय पिता वासुदेव चंद्राकर कुर्मी समाज म पहिचान के भरोसा म आघू बढ़त हवय. इहां गऊर करइया वाले बात ये हे के, प्रतिमा बरिस 2014 के विधानसभा चुनाव म अपन गृह क्षेत्र दुर्ग ग्रामीन ले भाजपा के रमशीला साहू ले हार चुके हे. उहे दूसर ओर साहू समाज ल जोड़े बर उमन ल ताम्रध्वज साहू के जरूरत हे, जिखर प्रभाव बेमेतरा- विधानसभा क्षेत्र म हवय.

आयोजन मन के जरिए जुड़े रहे लोगों से
23 अप्रैल के होवइया मतदान बर विजय बघेल अउ प्रतिमा चंद्राकर चुनाव प्रचार म जुट चुके हे. दूनों ही प्रत्याशी जोर आजमाइस करत हवय, फिलहाल पलड़ा विजय बघेल के भारी नजर आवत हे, जे नवरात्रि के दउरान आयोजन म जुटे लोग न मन के बीच लगातार संपर्क करत हवय. येखर अलावा दुर्ग सहर के संग उमन ल वैशाली नगर क्षेत्र म अच्छा खासा प्रचार करिस हे, जेमा उमन भाजपा विधायक विद्यारतन भसीन के सहयोग मिलत हवय.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.