फिलिम म निशांत हा करे हे तेलुगु बॉस के रोल.. अपन 15 वां फिलिम ल लेके उत्साहित हे अवईया 26 के होवत हे रिलीज
दीपक बावनकर@जय जोहार. कोरियोग्राफी म अपन लोहा मना चुके कोरियोग्राफर निशांत उपाध्याय अब अपन एक्टिंग म घलो जलवा दिखावत हे। संगे-संग दर्सक मन ल लोटपोट करत हे। आप मन ल याद होही रंगरसिया के ओ हास्य कलाकार जेखर एक्टिंग देखे बर दर्शक मन कई बार फिलिम देखे रहिस। ऐ उही निशांत ए।
अवईया 26 अप्रैल के रिलीज होवईया मनोज वर्मा निर्मित फिलिम महुँ कुंवारा तहुँ कुंवारी म निशांत ह एक साउथ इंडियन कैरेक्टर निभावत हे। अपन रोल के बारे में निशांत ह बताइए कि एमा साउथ इंडियन स्टाइल म डायलॉग बोके ल पडिस जेन लेकिन थोड़ा अलग रिहिस फेर ओखर मदद करीस निर्देशक मनोज वर्मा ह।
स्वप्निल स्टूडियो म निर्मित होए ए फिलिम के टेक्नोलॉजी घलोक आधुनिक हे। फिलिम म निशांत ह चार गाना ल कोरियोग्राफ घलो करे हे। सरगुजा के मैनपाट म बने एक गीत के बारे में निशांत ह बताइस कि गाना ला जब जी म्यूजिक वाला मन देखिस त ओमन आश्चर्य म पड़ गे ओखर क्वालिटी ला देख के।
तेखरे सेती महुं कंवारा तहुँ कुवारी के ऑडियो रिलीज करे हे जी म्यूजिक छत्तीसगढ़ ह। फिलिम में निशांत के अलावा मुख्य कलाकार में मन कुरैशी, आकाश, एल्फ़ा घोष, संजय महानंद, हेमलाल कौशल समेत कई कलाकार मन काम करें हे। फिल्म में निशांत के कैरेक्टर के नाम नंबी अन्ना हे। एमा निशांत के लगभग 8 सीन हे। अभी तक कुंवारा निशांत ल महुँ कुंवारा तहुँ कुंवारी ले बड़ उम्मीद हे।
