मुख्यमंत्री भूपेश बघेल के दू हजार दिन के अध्यक्षीय कार्यकाल ह रिहिस हे संघर्षपूर्ण

रायपुर। मुख्यमंत्री भूपेश बघेल के दू हजार दिन के अध्यक्षीय कार्यकाल ह भाजपा सरकार के खिलाफ जबरदस्त संघर्षपूर्ण रिहिस हे। बघेल ह कोंडागांव विधायक मोहन मरकाम के कांग्रेस प्रदेश अध्यक्ष पद म नियुक्ति तक मुख्यमंत्री अउ प्रदेश कांग्रेस अध्यक्ष दूनो के दायित्व संभालत रिहिस हे। ये कहिना हे प्रदेश कांग्रेस के महामंत्री अउ संचार विभाग के अध्यक्ष शैलेष नितिन त्रिवेदी के।

श्री त्रिवेदी ह बताईस कि प्रदेश कांग्रेस अध्यक्ष भूपेश बघेल ल 19 दिसंबर 2013 म पहिली बार अध्यक्ष बनाए गिस। एखर बाद 6 जनवरी 2018 म फेर वोला दुबारा अध्यक्ष बनाईस हे। 19 दिसंबर 2013 ले आज तक 2000 दिन ले जादा भूपेश बघेल के अध्यक्षीय कार्यकाल म नगरीय निकाय चुनई, पंचायतीराज संस्था, छात्रसंघ चुनई अउ सहकारी संस्था म शानदार जीत के संगे-संग 2018 म विधानसभा चुनई म तीन चौथाई बहुमत ले जीत दर्ज हे। मुख्यमंत्री बघेल के अध्यक्षीय कार्यकाल ल संघर्षपूर्ण अउ कांग्रेस ल सत्ता म वापसी करे बर जाने जाही।