राजधानी के माना इलाका म बम मिले के सूचना ले मच गे रिहिस हड़कंप

रायपुर. राजधानी के माना कैंप म बम मिले के सूचना ले लोगन मन ह दहशत म आ गे रिहिस हे. जइसे ही बम मिले के सूचना मिलिस माना पुलिस अउ बम डिफ्यूज स्क्वॉड टीम ह मौका म तुरंत पहुंचिस गिस. माना थाना प्रभारी ह बताइस कि ओला दुपहर सवा 1 बजे सूचना मिलिस कि माना के 18 ब्लॉक के नजदीक एक झिल्ली म बम हे. जिहां पुलिस के टीम संग बम डिफ्यूज स्क्वॉड के टीम ह घलो अइस. अब्बड़ देर ले बम के जांच करे गिस, जेखर बाद वो झिल्ली के भीतर तीन नानकुन पाकिट म गांजा, देवारी के बांचे कुछ बम, बिजली के तार अउ सुतरी रस्सी मिलिस हे.