रायपुर । मुख्यमंत्री डॉ. रमन सिंह ह विकास यात्रा ल प्रदेशवासी मन ले मिलत भरपूर समर्थन बर ओ मन ल धन्यवाद देहे हें। डॉ. सिंह ह कहिन के ये विकास यात्रा जनकल्याण के योजना मन के संग छत्तीसगढ़ के गांव, गरीब अऊ किसान मन के जीवन म बदलाव लाय के विजय यात्रा ये। ये आम जनता के विजय यात्रा ये। उमन अपन सरकार के साल 2008 अऊ 2013 के विकास यात्रा मन के उल्लेख करत कहिन कि ए पइत के विकास यात्रा म घलोक जनता म अपार उत्साह देखे जात हे। ये विकास काम मन के माध्यम ले प्रदेश के तस्वीर बदले के विजय यात्रा हे।
