अर्जुन्दा मंच म ये शख्स ल देख के खुले रह गिस भाजपाई अउ जनता मन के आंखी

रायपुर । गुंडरदेही विधानसभा के अर्जुन्दा म होय विकास यात्रा के आमसभा म जिहां एक ओर पूरा सभा ह भाजपामय रहिस हे, उहें मंच म एक अइसे शख्स नजर आइस जेला देख के न भाजपाई बल्कि जनता मन के आंखी खुले रह गिस।
मुख्यमंत्री के विकास यात्रा ले भले ही विरोधी दल मन ह मुंह मोड़ लिस हे। लेकिन आज अर्जुंदा म जोगी कांग्रेस के विधायक ह विकास यात्रा के आमसभा म शिरकत कर लोगन मन ल आश्चर्य मे डाल दिस अउ प्रदेश के कद्दावर नेता अउ कृषि मंत्री बृजमोहन अग्रवाल ले लगातार गोठियाक नजर आइस। येकर ले राजनीतिक गलियार म हलचल मच गे हे।
चुनावी साल म अजित जोगी के करीबी विधायक राजेन्द्र राय के विकास यात्रा के मंच म देखे जाना चुनावी समीकरन मन ल तेज कर दिस हे। अइसे हालात म जिहां अजित जोगी खुद ले राजनादगांव ले मुख्यमंत्री के खिलाफ चुनाव लड़े के ऐलान करे हे उहें उंखर करीबी भाजपा के विकास यात्रा म जाके उंखर मंत्री ले मुलाकात करत हे।
धियान दे के बात हे कि 2013 म गुंडरदेही ले राजेन्द्र राय ह कांग्रेस के टिकिट म चुनाव लड़िन अउ 22 हजार वोट ले लीड करत चुनाव घलोक जीतिस हे। एती जइसे ही अजित जोगी ह नवा पारटी बनाइस तब ले राय उंखर संग रहे लगिस। जेकर सेती कांग्रेस ह ओला पारटी ले निलम्बित कर दिस ।