जशपुरनगर. बॉलीवुड सुपरस्टार अमिताभ बच्चन ल मिठई खवाए के झांसा दे के एक शातिर ठग ह एक बॉडी मिस्त्री ले एक लाख 62 हजार रुपिया ठग लिस। शातिर ह जाल म प्रार्थी ल अईसे फंसाईस कि अलग अलग बेरा म 18 बैंक खाता म रुपिया ट्रांसफर करे के बेरा म घलो कोनों शक के जगह ल नई छोडिस। जब जम्मो रुपिया ट्रांसफर हो गे तब खुद ल ठगे जाए के अहसास प्रार्थी ल होईस।
खुद ल जब ठगे जाए के अहसास प्रार्थी ल होईस तब तक अब्बड़ बेरा निकल गे रिहिस। जब ठग के मोबाइल बंद होईस तब ओला ओखर संग ठगी के अहसास होईस अऊ पुलिस म शिकायत दर्ज करवाईस। अब पुलिस अधिकारी ए मामला म इस्तेमाल करे गे बैंक खाता मन के डिटेल खंगालत हे अऊ मोबाइल नम्बर के जांच करे जात हे। मामला हरे कोतवाली थाना के गम्हरिया के। इही गांव के निवासी कैलाश शर्मा पिता मुकदेव शर्मा, गाड़ी मन के बॉडी रिपेयरिंग के काम करथे।
बताए जात हे कि 30 जुलाई 2017 म कैलास ल मोबाइल म फोन आईस। एमा आन लाइन केबीसी गेम म ओखर नाव ले 25 लाख के लाटरी निकले के बात कहत ठग ह बधाई देत अपन जाल म फंसाईस। पहली बार आए ए कॉल म कोनों तरह ले कोनों मांग नई रखे गे गिरिन। कुछ देर बाद फेर अज्ञात कॉलर ल कॉल करिस। जेमा बताए गिस कि ए लॉटरी ड्रा के खुशी म अमिताभ बच्चन अऊ विक्रम सिंह ल मिठई खिलाना हे। एखर बर 81 सौ रुपिया बैंक खाता म आप मन ल देना होही। झांसा म आके प्रार्थी कैलाश शर्मा ह खाता म रुपिया ट्रांसफर कर दिस। एखर बाद लॉटरी के रकम के लालच दे के शातिर ह 18 बार अलग-अलग बैंक खाता म प्रार्थी से कुल 1 लाख 62 हजार रुपिया ट्रांसफर करवा लिस।
ए दउरान पीड़ित ल खुद के ठगे जाए के अहसाल घलो नई होईस। आखिरी बार जब ए अज्ञात ठग ले बात होईस त गम्हरिया स्थित ओखर दुकान के लोकेशन के संग ओखर काम के संबंध म विस्तार ले जानकारी दिस। ए बात ल सुनके ओला ठगी के अहसास होईस। एखर बात एखर शिकायत सिटी कोतवाली जशपुर के संगे-संग आईजी सरगुजा, एसपी जशपुर, साईबर सेल ले करे गिस।
