बिलासपुर. खुद ला कुंवारा बताके एक हॉस्पिटल के एक सीनियर डॉक्टर हा अपन जूनियर डॉक्टर संग दुष्कर्म करत रिहिस। ये सिलसिला करीब दू साल से चलत रिहिस।
असलियत सामने आईस त महिला डॉक्टर हा थाना म शिकायत करिस, लेकिन 15 दिन बाद भी पुलिस हा एफआईआर दर्ज नई करिस। जब महिला डॉक्टर हा एसपी ले न्याय के गुहार लगाईस, त कोनी टीआई थाना म आरोपी डॉक्टर के खिलाफ दुष्कर्म के अपराध दर्ज करे गिस।
जानकारी के मुताबिक हॉस्पिटल म आरोपी डॉक्टर बीके बैनर्जी सीनियर डॉक्टर हें। दो साल पहिली ओकर परिचय महिला डॉक्टर ले होईस। आरोप हे कि डॉ. बनर्जी हा खुद ला कुंवारा बताईस अउ महिला डॉक्टर ला अपन प्रेमजाल म फांस लिस।
एकर बाद शादी के झांसा देके ओकर साथ बीते दू साल ले दुष्कर्म करत रिहिस। महिला डॉक्टर के आरोप हे कि जब भी वो हा शादी करे बर काहय त डॉक्टर बनर्जी हा टालमटोल करय। इही दौरान ओकर शादीशुदा होए के भेद हा खुल गे।
महिला डॉक्टर घलो इही बीच गर्भवती हो गे। ओ हा कोनी थाना म जाके आरोपी डॉक्टर के खिलाफ शिकायत करिस त पुलिस हा एफआईआर दर्ज नई करिस। वो हा एसपी के पास गिस। एसपी हा कोनी पुलिस ला कार्रवाई करे बर किहिन।
पीड़िता के रिपोर्ट के अधार म पुलिस हा आरोपी डॉक्टर के खिलाफ दुष्कर्म के मामला दर्ज करे हे।
