मोदी ह छत्तीसगढ़ के तीन महिला मन ले करिन बात

रायपुर। नरेन्द्र मोदी सरकार के चार साल अउ प्रधानमंत्री उज्जवाल योजना के मई महीना म एक साल पूरा होय म देश के प्रधानमंत्री नरेंद्र मोदी ह देशभर के अलग-अलग राज्य मन के महिला मन ले बातचीत करिन। पीएम मोदी ह छत्तीसगढ़ के तीन महिला मन ल मीना निर्मलकर, उर्मिला सिन्हा अउ विमला टण्डन ले उज्जवला योजना मन के बारे म बातचीत करिन।
आज बिहनिया प्रधानमंत्री नरेंद्र मोदी ह कलेक्टोरेट के एनआईसी म प्रदेश के तीन महिला मन ले बात करिन त महिला मन ल विस्वास नइ होइस। पीएम नरेंद्र मोदी ह उमन ले उज्जवला योजना ल लेके बात करिन। उमन ले पूछिन कि उज्जवला गैस योजना ले उमन के जीवन म कतका बदलाव आइस हे। उहें मोदी ह ये योजना के लाभ घलोक महिला मन ल बताइन। वीडियो कॉन्फ्रेंसिंग मीना निर्मलकर, सारागांव, उर्मिला सिन्हा, मांढर, अउ नेवडी निवासी विमला टंडन मवजूद रहिन हे। उमन ह प्रधानमंत्री ले करीबन छह मिनट बात करिन।