रेनवाटर हारवेस्टिंग सिस्टम के जांच बर बनाए जाहि तीन सदस्यीय टीम
धमतरी। जिले म संचालित औद्योगिक संस्थान अउ राइस मिल म अनिवार्य रूप ले रेनवाटर हारवेस्टिंग के व्यवस्था के जांच बर तीन सदस्यीय टीम बनाए जाहि। एखर बर कलेक्टर ह नगर निगम आयुक्त मन ल सख्त निरदेश दिन हे। संगे-संग प्रतिबंधित प्लास्टिक कैरीबैग के उपयोग करईया उपर छापामार कार्रवाई कर प्रकरण दर्ज करे बर अउ प्लास्टिक अपशिष्ट ल जलाथे उंखर मन उपर जुरमाना लगाए जाहि।
शनिवार के कलेक्टर रजत बंसल ह राष्ट्रीय हरित अधिकरण के निरदेश के जिला म समुचित क्रियान्वयन ल लेके के कलेक्टोरेट सभाकक्ष म संझा शाम चार बजे समीक्षा बईठक म लिन हे। एमा बॉयोमेडिकल अपशिष्ट के प्रबंधन अउ निबटान बर अधिकृत संस्था उपर सतत् निगरानी करे के निर देश क्षेत्रीय अधिकारी, सी.ई.सी.बी. रायपुर ल दिन हे। रेन वाटर हारवेस्टिंग के व्यवस्था के परीक्षण बर तीन सदस्यीय दल म सीईसीबी, उद्योग विभाग अउ खाद्य विभाग के अधिकारी शामिल रइही।
बईठक म कलेक्टर ह जिला के उद्योग अउ राइस मिल संचालक मन अपन औद्योगिक क्षेत्र म खुद पौधरोपण करे बर सुनिश्चित करही। इही मौका म वन विभाग के अधिकारी मन बतईन कि नदी किनारे 64 हेक्टेयर क्षेत्र म पौधा लगाए के लक्ष्य रखे गे हे। बईठक म वन मण्डलाधिकारी अमिताभ बाजपेयी, अपर कलेक्टर दिलीप अग्रवाल, रीजनल ऑफिसर सी.ई.सी.बी. रायपुर एस.के. उपाध्याय समेत संबंधित विभाग के अधिकारी मन मौजूद रिहिन हे।
