अइसे का होईस कि मुख्यमंत्री भूपेश बघेल हा भावुक होगें, जनचौपाल के बीच एक युुवा ला किहिन धन्यवाद

रायपुर। लोगन के बीच घिरे रिहिन अउ मुख्यमंत्री श्री भूपेश बघेल हा भावुक होगें। जनचौपाल भेंट-मुलाकात के उदरान मुख्यमंत्री ला एक युवा हा एक अइसे भेंट दिस कि ओमन ला अपन मां के सुरता आगे।

जनचौपाल भेंट-मुलाकात के बीच मुख्यमंत्री श्री भूपेश बघेल हा जब आम जनता के बीच जाके लोगन के समस्या सुनत रिहिन, तभे कुछ युवा मन मुख्यमंत्री ला हाथ ले बनाए एक पेंटिंग भेंट करिन।

जेमा मुख्यमंत्री के साथ उंकर माँ स्वर्गीय श्रीमती बिन्देश्वरी देवी बघेल के बहुत सुंदर चित्र बनाए गे हे। ये अनूठा भेंट ला पाके मुख्यमंत्री हा भावुक होगें। मुख्यमंत्री हा पेंटिंग बनइया युवा ला धन्यवाद दीन।