जय जोहार डॉट कॉम म जोहार सितारा बनीस ज्योति वैष्णव,गोठ बात म साझा करिस इस अपन लईकापन के संघर्ष ल

रोज सुबह शाम सात सात किलोमीटर सइकिल चला के डांस सीखे बर जाना फेर घर के काम काज ला घलो करना, ऊपर से रद्दा म साइकिल ले गिरना अउ हपटना ये सब ले जूझ के आज ज्योति वैष्णव ह अभिनय के क्षेत्र म अपन डांस बर जाने जावत हे ।
ये सब गोठ बात ज्योति ह बताईस जब वो ह जय जोहार डॉट कॉम म जोहार सितारा बनीस, ज्योति वैष्णव ह अभिनय में रुचि के कारण बड़ उदिम करिस हे तब जाके ओला आज अभिनय म बड़ अकन फिलिम के ऑफर मिलत हे ।

सैकड़ों अल्बम कर चुके ज्योति ह अब गायकी म घलोक अपन पैर जमावत हे, अभी वो ह पप्पू यादव के अल्बम म एक गीत गाए हे ,ज्योति के सपना हे कि वो अभिनय म अभिनेत्री केंद्रित फिलिम म रोल करे अइसे रोल म वो ह जान फूंक के काम करे के बात करत हे। अभी ज्योति के 3 फिल्म अवईय्या हे । अउ गोठ बात सुने बर देखत रहव जय जोहार डॉट कॉम हमार माटी हमर भाखा।