प्रेशर बम के चपेट म आए ले गाय चराए बर गे रिहिस एक ग्रामीण के मउत

कांकेर। नक्सली मन के लगाए आईईडी प्रेशर बम के चपेट म आए ले जंगल म गाय चराए बर गे रिहिस एक ग्रामीन के मउत हो गे। ये घटना ह जिला म आमाबेड़ा थाना इलाका के उसेली गांव के हरे।

जानकारी के मुताबिक नक्सली मन ह सुरक्षा बल के जवान म ल नुकसान पहुंचाय बर आईईडी प्रेशर बम ल जमीन के नीचे म छुपा के रखे गे रिहिस। जेखर चपेट म आए ले ग्रामीन शोभसिंह सलाम के मौका म ही मउत हो गे। कांकेर के अतिरिक्त पुलिस अधीक्षक कीर्तन राठौर ह घटना के पुष्टि करिन हे। मौका म एक अउ जिंदा बम होय के सूचना घलो मिले हे।