दंतैल ह फेर ले लिस दू झन के जान, कटघोरा वन परिक्षेत्र म घूमत हे 20 हाथी के दल

कोरबा। कटघोरा वन परिक्षेत्र म दंतैल हाथी के झुंड ह दू झन लोगन ल मउत के घाट उतार दिस। उंहे सूचना मिले म वन विभाग के अमला ह हाथी मन ल जंगल तरफ भगाए म लगे हे।

राज्य म हाथी मन के आतंक ह दिनों-दिन बढ़त जात हे। आए दिन एखर वजह ल कोनो न कोनो बेकसूर ल अपन जान गंवाना पड़त हे। ताजा मामला कटघोरा वन परिक्षेत्र के हरे, जिहां 20 हाथी के दल घूमत हे। बतात हे कि पिपरिहा के पास विचरण करत हाथी ह 65 साल के बुधवरिया बाई ल अपन शिकार बना लिस अउ ओला मउत के घाट उतार दिस। उंहेच गांव के एक अउ युवक जीत ह घलोक हाथी के हमला म घायल हो गे, जेला गंभीर अवस्था म अस्पताल म भरती करवाय रिहिस, जिहां इलाज के दउरान वो ह दम तोड़ दिस।