पूर्व सरपंच मन ले बकाया राशि के वसूली गंभीरता से करव, जनचौपाल ले प्राप्त आवेदन म  लापरवाही नई चलही – कलेक्टर

रायगढ़ कलेक्टर यशवंत कुमार ह  आज साप्ताहिक समय-सीमा के  बैठक म  राशन कार्ड नवीनीकरण, जनचौपाल, पूर्व सरपंच ले बकाया राशि के  वसूली अऊ मुआवजा राशि के संबंध म अधिकारी मन ले  जानकारी लीस । कलेक्टर ह जनचौपाल ले  प्राप्त आवेदन मन के  जानकारी घलोक लिस अऊ  स्पष्ट निर्देश देत हुए प्राप्त आवेदन के  निराकरण गंभीरता से करे बर किहिस । कलेक्टर ह  त्रिस्तरीय पंचायत निर्वाचन परिसीमन के कार्य के घलोक समीक्षा करिस । परिसीमन ले  प्राप्त दावा-आपत्ति ल  एक-एक कर के  परीक्षण कर निराकरण करे के निर्देश दे हे । जिलाधीश ह सब्बो  एसडीएम ल  अवगत करात हुए किहिस  कि पंचायत चुनाव ले  पहली  पूर्व सरपंच मन ले बकाया राशि ले  के कार्य म तेजी लाए, एमा  कोई भी लापरवाही नई चलय । संगे संग खाद्य अधिकारी मन ल  राशन कार्ड के नवीनीकरण के डाटा एन्ट्री के कार्य ल  गंभीरता से करे के निर्देश घलोक दिस ।
साप्ताहिक समय-सीमा के  बैठक म कलेक्टर ह राजस्व अधिकारी मन ले  मुआवजा राशि वितरण के संबंध म जवाब-तलब करिस  अऊ  वितरण ल  शत-प्रतिशत पूर्ण कराये बर किहिस ।जिलाधीश ह  एसडीएम अऊ तहसीलदार मन ल कोर्ट प्रकरण म पेशी जादा न ले के प्रकरण मन के निराकरण करे के निर्देश दिस । ये मीटिंग म जिला पंचायत के मुख्य कार्यपालन अधिकारी सुश्री ऋचा प्रकाश चौधरी, सहायक कलेक्टर संवित मिश्रा, अपर कलेक्टर , आर.ए.कुरूवंशी अऊ जिला स्तरीय अधिकारी मन उपस्थित रिहिन ।