लगातार होवत हे छत्तीसगढ़ी फिलिम मन के शूटिंग , अवैयया साल म धड़ाधड़ होही रिलीज़

दीपक बावनकर@रायपुर छत्तीसगढ़ी सिनेमा म वर्तमान म फिलिम के शूटिंग लगातार होवत हे , एक तरफ जेठू साहू के शिवा पुत्र ह पूर्णता कोति हावे त येती निर्देशक याकूब खान के ये वादा हे के शूटिंग के एक पखवाड़ा पूरा हो गे हे ,वइसने अंबिकापुर म निर्देशक आलेख चौधरी ह इश्क अऊ रिस्क नामक फिलिम बनावत हे जिन्हा संजय बत्रा जी के साथ उपासना वैष्णव ,उषा विश्वकर्मा ,अऊ हेमलाल कौशल घलोक हे

लगातार फिलिम के शूटिंग होय ले सब्बो कलाकार मन व्यस्त हे अऊ राज्य म फिलिम के माहौल बनत जात हे ,अभी सिनेमाघर म रंगोबती लगे हे अऊ अवैयया महीना म सुपरस्टर अनुज शर्मा के राजा भैय्या घलो आवत हे , कुल मिला के छॉलीवुड म शूटिंग अऊ एडिटिंग के काम दनादन चलत हे, वइसने राजनांदगाव म निर्देशक प्रणव झा ह करन खान ल ले के बेनाम बादशाह बनावत हे ,अइसने फिलिम के शूटिंग चलहि त अवैयया साल म छत्तीसगढ़ी फिलिम के लाइन लगना स्वाभाविक हे।