कश्मीर म होय रिहिस संदीप घायल , प्रयास वेलफेयर ह करिस 21000/-के मदद

संदीप ह लोरमी के कोसाबाड़ी गाँव म रहिथे ,जब कश्मीर म तनाव के महौल रिहिस त  संदीप रोजी मजूरी करे बर ऊन्हीचे रहात रिहिस , कोनो चमकदार चीज ल वो ह भोरहा म धर लिस अऊ ओ ह फाट गे ,ये घटना म संदीप के हाथ बुरी तरह ले जख्मी हो गे , जईसे तईसे ओखर परिवार वाला मन लोरमी म ला के भर्ती कराईस

आर्थिक तंगी ले जूझत ये परिवार ल मदद करे बर प्रयास अ स्माल वेलफेयर सोसायटी आघू आईस अऊ  21000/- के मदद करिस संगे संग सदस्य मन संदीप ल बेहतर इलाज बर रायपुर भेजे के व्यवस्था घलो करिस . ये पूरा कार्य म संजय सिंह राजपूत ,रामकिंकर परिहार, रोहित शुक्ला , अजय ताम्रकार, देवशंकर श्रीवास्तव आनंद गुप्ता वासुदेव राजपूत अऊ सतीश सिंह ह महत्वपूर्ण भूमिका अदा करे हे ..