आज ले रायपुर अउ रायगढ़ के बीच चलही स्पेशल पैसेंजर ट्रेन

रायगढ़। रेलवे ह दुर्गा पूजा, दशहरा अउ देवारी तिहार ल देखत 6 अक्टूबर ले रायगढ़ अउ रायपुर के बीच म स्पेशल पैसेंजर ट्रेन चलाही। 26 फेरा बर ये ट्रेन ह 31 अक्टूबर तक चलही।

जानकारी के मुताबिक तिहार के सीजन म यात्री मन के सुविधा बर गाड़ी संख्या 08760 अउ 08761 ल रायपुर-रायगढ़-रायपुर मेमू फास्ट स्पेशल ट्रेन बनाके चलाही। आठ कोच वाले ये स्पेशल ट्रेन ह रोज मंझनिया 12 बजे रायपुर ले रवाना होके संझा 5 बजे रायगढ़ पहुंचही। इही तरह ले रायगढ़ ले संझा पौने 6 बजे रवाना होके मेमू ट्रेन 10.20 बजे राजधानी पहुंचही। ये ट्रेन छोटे स्टेशन मन म नई रूकय।