दुर्ग ले पटना बर चलही छठ पूजा स्पेशल ट्रेन, 31 अक्टूबर के होही रवाना

बिलासपुर। छठ तिहार म ट्रेन म होवईया भीड ल देखत रेलवे ह दुर्ग ले पटना के बीच एक फेरा बर छठ पूजा स्पेशल ट्रेन चलाही। ये ट्रेन 08793 नंबर ह दुर्ग ले छूटही अउ पटना ले 3 नवंबर के 08794 नंबर के संग दुर्ग बर रवाना होही।

रेलवे ह स्पेशल ट्रेन म दू एसएलआर/एसएलआरडी, 8 सामान्य, 5 स्लीपर, 1 एसी-थ्री कोच के साथ चलाए के निर्णय ले हे। 31 अक्टूबर के ट्रेन ह दुर्ग ले 16.00 बजे छूटही, जेन ह रायपुर, बिलासपुर, चांपा रायगढ, झारसागुडा होवत शुक्रवार के 12.30 बजे पटना पहुंचही। वापसी म ट्रेन ह पटना ले इतवार के 20.45 बजे छूटही जेन ह सोमवार के 19.10 बजे दुर्ग पहुंचही।