बस्तर मा हाईअलर्ट- जापानी बुखार से दू झन के मउत के बाद प्रशासन चौकन्ना

जगदलपुर। बस्तर इलाका मा दू झन लइका मन के जापानी बुखार से मउत के बाद जिला प्रशासन हर चौकन्ना होगे हे। इही पाय के स्वास्थ्य विभाग हर अब अलर्ट जारी कर दे हवय। सतर्कता बरते के कड़ा निर्देश दे हवय। एखर संगं संग शहरी अउ ग्रामीण अंचल मा स्वास्थ्य विभाग ला अलर्ट रहिके मेडिकल कैंप लगाए बर केहे गे हवय। कैंप मा जापानी बुखार से पीड़ित लइका मन के स्वास्थ्य के जांच करे के
आदेश जारी करे गे हवय। अतके नहीं बल्कि जिला के हर क्षेत्र मा दवा का छिड़काव के साथ-साथ जल, पक्षी, पालतू जानवर जइसे सूअर मन ला गांव ले दूरिहा रखे बर केहे गे हवय।

जानकारी के मुताबिक दंतेवाड़ा जिले के रहइया 3 साल के एक मासूम ला डिमरापाल मेडिकल कॉलेज जगदलपुर मा भर्ती कराय गे रिहिस। जिहां ओखर संदिग्ध हालत मा मउत होगे। जांच मा पाय गिस कि बच्चा हर जापानी बुखार ले पीड़ित रिहिस।