भाजपा के वरिष्ठ नेता अउ पूर्व सांसद बंशीलाल महतो के निधन

कोरबा। खभर मिलत हवय कि भाजपा के वरीष्ठ नेता अउ पूर्व सांसद बंशीलाल महतो के निधन होगे। हैदराबाद से कोरबा लाए के दौरान एयर एंबुलेंस मा ही उंखर निधन होगे।

एखर ले पहिली आज हैदराबाद मा डाक्टर मन उंखर सेहत ला बेहद खराब बतावत हुए ओमन ला वापस घर ले जाए के सलाह दे दे रिहिन। हैदराबाद से एयर एंबुलेंस के जरिये ओमन ला सीधा बिलासपुर से चकरभाठा एयरपोर्ट मा उतार के कोरबा के निजी अस्पताल में भर्ती कराना रिहिस फेर एयर एंबुलेंस के लैंड करे के पहिली ही बंशीलाल महतो के मउत होगे। बताय जावत हे कि कोरबा के पूर्व सांसद बंशीलाल महतो के तबीयत पिछले कई दिन ले खराब रिहिस। बेहतर उपचार कराय बर ही परिजन ओमन ला हैदराबाद लेगे रिहिन।