छत्तीसगढ़ के अमर प्रेम कहानी हे लोरिक चंदा , प्रेम चंद्राकर के हावे कृति

लैला मजनू ,हीर राँझा ,सोहनी महिवाल अऊ लोरिक चंदा ये प्रेम करैय्या मन के बीच म समाज , जात पात , उंच नीच के दीवार हमेशा रिहिस लेकिन इंखर प्रेम कहानी हमेशा याद करे जाहि ,अइसने प्रेम कहानी हे लोरिक चंदा जेमा राजा के बेटी एक चरवाहा संग मया कर लेथे अऊ शुरू होथे प्रेम म रोक टोक

लोरिक चंदा रूपांकन फिल्म्स के ड्रीम प्रोजेक्ट आय जेन ह उनतीस नवम्बर के रिलीज होवत हे जेमा लोरिक के भूमिका निभाय हे गुलशन साहू अऊ चन्दा बने हे कुंती मढ़रिया , राजा के भूमिका म हावे संजय बत्रा

बता दन कि लोरिक चंदा के मंचन सैकड़ो बार करे जा चुके हे जेला बने प्रतिसाद मिले हे , खूबसूरत पारम्परिक गीत संगीत के खजाना हावे लोरिक चंदा म ये दावा हे निर्देशक प्रेम चंद्राकर के .