चुनाव के बहिष्कार कर सकथे ये सत्तर परिवार , व्यस्थापन ल लेके भटकत हे सब्बो

दीपक बावनकर@रायपुर राजधानी के सत्तर परिवार शायद अवैय्या नगरीय निकाय चुनाव म अपन मताधिकार के प्रयोग नई करे काबर कि एमन अपन समस्या के समाधान बर जिला प्रशासन , विधायक , पूर्व विधायक , मंत्री अऊ मुख्यमंत्री तक जा चुके हे लेकिन इंखर समस्या जस के तस हे.

मामला कुछ साल पहिली के आय राजधानी के खालसा स्कूल के सामने नगर निगम के सत्तर दूकान मन ल आक्सीजोन निर्माण के नाम म तोड़े गे रिहिस अऊ ओमन ल जल्द व्यस्थापन के आश्वासन दे गे रिहिस लेकिन आज तक ओमन ल व्यस्थापित नई करे गिस, तब ले आज तक ये परिवार वाला मन भटकत हे

सरकार बदलिस निजाम बदलिस मगर इंखर मन के समस्या जस के तस , हार के ये छोटे व्यापारी मन चुनाव के बहिष्कार करे बर सोचत हे काबर कि नवा सरकार के मुखिया घलो कुछ नई करिस .