पूजा ल एक्टिंग करे के शौक ले गे छत्तीसगढ़ी सिनेमा , सावधान इंडिया म करे हे अभिनय

सिनेमा हमेशा से समाज म अपन प्रभाव छोड़े हे , ये प्रभाव व्यकिगत घलो होथे अइसने एक कलाकार हे पूजा बनसोड. जेन ल सिनेमा अतना प्रभावित करिस कि वो ह छत्तीसगढ़ी सिनेमा म अभिनय करे बर आगे , छोटे मोटे रोल करत आज पूजा सावधान इंडिया के दू एपिसोड म नजर आही , पूजा के खाता म एलबम , शार्ट फिलिम अऊ विज्ञापन घलो हे

अपन कला यात्रा म पांच छः छत्तीसगढ़ी फिलिम कर चुके हे पूजा ह , महिला प्रधान फिलिम म काम करे के तमन्ना राखे पूजा ल एक अच्छा ब्रेक के अगोरा हावे , अभी तीन फिलिम के शूटिंग म व्यस्त पूजा ह बताइस कि मुंबई ले बने हे हमर छत्तीसगढ़ इन्हा काम करे म अपनापन महसूस होथे .