तीन दिन तक चलही आदिवासी नृत्य महोत्सव , देश बिदेश के कलाकार पहुंचत हे राजधानी

राजधानी के साइंस कालेज म तीन दिन तक राष्ट्रिय आदिवासी महोत्सव के आयोजन होवत हे , सरकार ह ये बार विदेश के कलाकार मन ल घलो आमंत्रित करे हे , एला भव्यता दे बर सरकार ह बने व्यवस्था करे हे , राज्य म दूसर देस के कलाकार मन आही अऊ इन्हा के लोक कला अऊ संस्कृती ले रू ब रू होही अऊ इन्हा के लोगन मन उन्हा के कला अऊ संस्कृती ले.

ये महोत्सव बर कलाकार मन के आना शुरू होगे हे , काली ले ये महोत्सव के आगाज होने वाला हे , तीन दिन म कोनो एक दिन राहुल गाँधी घलो आही , आज कार्यक्रम के पूरा विवरण संस्कृती मंत्री ह मीडिया म साझा करे हे .