बापू अऊ स्त्री म रोल करे हे अनुराधा दुबे , भागलपुर अऊ मकरंदपुर म चलीस शूटिंग

नगर के जाने माने चेहरा अनुराधा दुबे ह समाचार वाचन अऊ चरित्र अभिनय म लोकप्रिय नाम हे , छत्तीसगढ़ी अऊ भोजपुरी के संगे संग हिंदी भाषा के फिलिम टेलीफिल्म अऊ नाटक मन म अपन अभिनय के छाप छोड़े हे अनुराधा ह ,अभी वो ह भागलपुर म बापू अऊ स्त्री नामक ड्रामा फिल्म म काम करे हे , एमा काम करके अनुराधा ह बहुत खुश हे काबर कि विषय अच्छा हे

सोशल मीडिया म अनुराधा ह शूटिंग के फोटो मन ल साझा करे हे , हमेशा अलग अलग रोल करे के इच्छा राखे अनुराधा दुबे ह किहिस कि एमा गाँधी जी के ऊपर शूट होय हे जेमा अभिनय करना एक चुनौती रिहिस काबर कि एक बायोपिक तरह के ड्रामा मूवी हे बापू और स्त्री .