ये साल के जबर कॉमेडी होही जय भोले मया म डोले, अमन हुसैन

जय जोहार रायपुर.. हमेशा ले हास्य आधारित फिलिम बनाय बर मशहूर निर्देशक अमन हुसैन ह ये साल फरवरी म ले के आवत हे हास्य फिलिम जय भोले मया म डोले, ये फिलिम के खासबात ये हे कि एमा संजय महानंद अऊ रजनीश झांझी के केमेस्ट्री दर्शक मन ल जरूर पसंद आही.

संजय महानंद एमा एक जासूस के रोल करे हे अऊ रजनीश ह रिटायर कर्नल के भूमिका म नजर आही,  इंखर आलावा अरुण भांगे,हेमा शुक्ला,ज्योत्सना ताम्रकार,प्रदीप शर्मा,संतोष निषाद बोच्कू अऊ केवल राम वर्मा घलो अभिनय करे हे, निर्देशक अमन हुसैन ह बताइस कि ये फिलिम ल देखे के बाद लोगन मन ल अंगूर अऊ हेराफेरी जैसे फिलिम के मजा मिलही.

ये फिलिम ह इक्कीस फरवरी के सिनेमाघर म आही, जब ले एखर ट्रेलर लांच होय हे तबले लोगन मन इही फिलिम के चर्चा करत हे, अमन ह आगे किहिस कि फिलिम म कॉमेडी के आलावा गीत संगीत भी अच्छा बने हे.