जय जोहार रायपुर.. लक्ष्मण यादव के नाम छत्तीसगढ़ी सिनेमा में कोई परिचय के मोहताज नई हे, एक ज़माना रिहिस जब एल्बम के दौर चले, वो समय भी अपन आंखी के सामने कतको कलाकार मन ल नाचत गात देखे हे लक्ष्मण, सबले पहिली लक्ष्मण ह सुन्दरानी म्यूजिक म अपन सेवा दिस ये दौरान लगभग हजार एल्बम के शूटिंग करिस होही.
लक्ष्मण ह किहिस कि छत्तीसगढ़ी सिनेमा के भविष्य उज्जवल हे अऊ एमा बहुत सम्भावना हे, अभी लक्ष्मण क जोहार छत्तीसगढ़ फिलिम के डीओपी रिहिस अऊ लगातार काम करत हे, अपन फिल्मी सफ़र म लक्ष्मण ह दू फिलिम के निर्देशन घलो करे हे जेखर नाम हे दिल परदेशी होगे रे अऊ डर्टी मया वहू ह जल्द रिलीज होही.
लक्ष्मण ह किहिस कि आज छत्तीसगढ़ी सिनेमा कखरो ले पीछे नई हे इन्हा एक से एक विषय म बने फिलिम बने हे अऊ बनत हे, इन्हा के तकनीक घलो अव्वल दर्जा के होगे हे, बता दन कि डिजिटल फार्मेट में फिलिम के शूटिंग के शुरुवात घलो छत्तीसगढ़ ले होय हे.
