जय जोहार रायपुर… छत्तीसगढ़ म एक दिसंबर ले चलत न्यूनतम समर्थन मूल्य ले धान खरीदी 20 फरवरी के समाप्त हो जाही। राज्य म ए सीजन म 85 लाख मीट्रिक धान खरीदी के लक्ष्य रखे गे हे। ए सीजन म खरीदे गिस धान के जिला वार आंकड़े मन ले साफ होवत हे कि प्रदेश के 15 जिला मन म तीन साल के औसत ले कम धान के खरीदी करे गे हे। एखर अलावा 11 जिला मन म तीन साल के औसत ले अधिक धान के खरीदी होए हे।
प्रदेश के ए जिला मन म औसत ले कम मात्रा म धान खरीदे गिस हे, वो मा कोरबा, मुंगेली, रायगढ़, बालोद, दुर्ग, कवर्धा, राजनांदगांव, बलौदाबाजार, धमतरी, गरियाबंद, महासमुंद, रायपुर, बलरामपुर, जशपुर अऊ कोरिया शामिल हे। वहीं बस्तर, बीजापुर, दंतेवाड़ा, कांकेर, कोंडागांव, नारायणपुर, सुकमा, बिलासपुर, जांजगीर चांपा व बेमेतरा जिला मन में तीन साल के औसत ले अधिक धान खरीदे गे हे।
बता दन कि एक दिसंबर ले शुरू होइस धान खरीदी 15 फरवरी के समाप्त होवत रहिस, पर किसान मन के मांग ल देखत हुए सरकार ह खरीदी ल पांच दिन बर बढ़ाए रहिस।
