कवर्धा म किसान मन के धरना प्रदर्शन जारी, यात्री अऊ छात्र मन ल होवत ज्यादा परेशानी

जय जोहार कवर्धा…. जिला म किसान मन के धरना प्रदर्शन जारी हे। ये बीच सबले ज्यादा समस्या आम लोग मन ह होवत हे। कवर्धा म जिहां कलेक्टर गेट के सामने किसान मन ह दो दिन ले बैठे हे।

ऊहचे दूसर ओर जिला म रायपुर-जबलपुर हाईवे म दो अलग-अलग गांव मन के किसान मन ह चक्काजाम करे रहिस, जेखर चलत कवर्धा ले रायपुर अऊ कवर्धा ले बिलासपुर नियमित यात्री बस नई चल पात रहिस। यात्री निजी गाड़ी करके कोनो अन्य रद्दा ले होके जावत हे।

यात्री मन ल होवत परेशानी के चलत दिन के दोपहर 12 बजे के बाद ग्राम हरिनछापरा म कवर्धा-बिलासपुर रद्दा म जाम ल हटा दे गे हे। पुलिस के समझाइश के बाद किसान मन ह जाम ल हटाइस। लेकिन ग्राम बिरकोना म लगिस जाम अभी जारी हे।