रायपुर म मुख्यमंत्री भूपेश बघेल करिस राष्ट्रीय कृषि मेला के शुभारंभ

जय जोहार रायपुर…. मुख्यमंत्री भूपेश बघेल ह आज राजधानी रायपुर म राष्ट्रीय कृषि मेला के शुभारंभ करिस। ये मेला ह 25 फरवरी तक चलही। शहर ले दूरिया बाराडेरा गांव के सब्जी मंडी परिसर म राष्ट्रीय कृषि मेला लगे हे, जिहां देशभर ले कंपनी मन, किसान संगठन अऊ समिति मन अपन भागीदारी सुनिश्चित करे हे अऊ मेला म अपन-अपन स्टाल अऊ प्रदर्शनी लगाएं हे। ये मेला म छत्तीसगढ़ के कोना-कोना ले किसान आएं हे। ऊहचे सांस्कृतिक कार्यक्रम म ममता चंद्राकर ह अपन प्रस्तुति दिस।