छत्तीसगढ़ी म बनत हे हारर कॉमेडी, फिलिम के नाम हरे सेल्फी बेबो, निर्देशित करही दीपक आदित्य
जय जोहार…. चित्राग्रही फिल्मस मुंबई अऊ एंजेल फिल्म प्रोडक्शन के संयुक्त बैनर म बनइया हारर कॉमेडी छत्तीसगढ़ी फिल्म सेल्फी बेबो ल दीपक ह निर्देशित करही। ये छत्तीसगढ़ी फिल्म के मुहूर्त मरीन ड्राइव स्थित राग म्यूजिक कैफे म करे गिस। ए मऊका म फिल्म के प्रोडयूसर सुरेश शर्मा, भूपेंद्र सोनकर, संजय बत्रा, सतीश जैन, ब्रिजेश अग्रवाल, नीरज फर्नांडीज मौजूद रहिस। फिल्म के कोप्रोडूसर हेमलाल श्रीवास अऊ भोजराम पटेल हे। फिल्म के कहानी रोशन श्रीवास अऊ आशीष के द्वारा लिखे गे हे।
फिल्म के डायरेक्टर दीपक ह बताइस कि फिल्म म कलाकार सलीम अंसारी, विक्रम राज, हिरोइन आस्था दयाल अऊ पूजा देवांगन, निशांत उपाध्याय, भोजराज पटेल, रोशन श्रीवास, आशीष के, दिनु श्रीवास, दीपिका, यामिनी, आरती अऊ हर्षा होही। ये फिल्म के गाना के रिकॉर्डिंग सरगम स्टूडियो जांजगीर म प्रारंभ हो गे हे। फिल्म म विशेष सहयोग विकी सूर्यवंशी, सावन गुजराल अऊ भूमिका ठाकुर के होही अऊ फिल्म के पीआरओ दिलीप नामपल्लीवार हे अऊ डिजिटल पीआरओ के कार्य ल विशाल टण्डन देखही।
डायरेक्टर दीपक ह बताइस कि फिल्म के शूटिंग मार्च म प्रारंभ हो जाही। ये फिल्म छत्तीसगढ़ म मॉडर्न फिल्म के नीव रखही। मेकर्स के मानना हे कि ये फिल्म छत्तीसगढ़ी फिल्म के दर्शक अऊ छत्तीसगढ़ के फिल्म मेकर्स मन के सिनेमा के प्रति नजरिया ल बदल देही। फिल्म के शूटिंग ह शिमला, ऊटी अऊ छत्तीसगढ़ के हसीन वादियों म करे जाही।
